sábado, 2 de diciembre de 2017

EUSKERA EGUNA

Abenduaren 3an, EUSKARA eguna ospatzen da. Eskolan lehenago ospatu dugu, egun hori igandea delako.
Aurtengo abestia "AHOA BIZI, BELARRIAK PREST" izan da. Abestia eta koreografia ikasi ditugu, baina eguraldia dela eta, dantza ez dugu egin. Astelehenean , patio ondoren egingo dugula esan dute.
Ostiralean, klasez klasez beheko pasabidera joan gara, han zegoen zuhaitzean "gure lana" jarri dugu, abestu dugu eta berriro klasera itzuli gara. 
Arratsaldez, lan berezi bat egin dugu ahoa eta belarriekin eta denon artean mezu batzuk asmatu ditugu:
EUSKARAZ BIZI  //  EUSKARA MAITE  //  EUSKARA BETI

EUSKARA ERABILI  //  EUSKARA ENTZUN 

 EUSKARA IKASI   //  EUSKARA DENOK...





 

ASMAKIZUNA

Hilabete honetako asmakizunaren asmatzailea atera da. Nereak papera kutxatik hartu du eta hau esan digu: mutil bat , 2.A mailakoa, bere izena az hasten da... Badakizue nor izan den? Baaaaaa...ARITZ


HAUEK IZAN DIRA PISTAK:

ERANTZUNA : ILEA
ZORIONAK ARITZ !!!!!!!!!! 


jueves, 30 de noviembre de 2017

MURALAK

Elikadurari buruzko mural ezberdinak prestatu ditugu eta gure pasabidean kokatu ditugu. Bururatu zitzaigun 2 mailako ikasleen aurrean gure lana azaltzea. Gonbidapen bat luzatu genien eta onartu zuten. Beraz, asteazkenean gure pasabidean ekintza hau burutu zen.
2. mailakoek galdera batzuk egin zizkiguten eta komentatu zuten oso ondo egin genuela.
ESKERRIK ASKO ETORTZEAGATIK!!!!!!




 

BISITA

Asteazkenean, 5 urteko klase baten bisita izan genuen. Antzerki bat ,emozioei buruzkoa, prestatu zuten eta gure aurrean antzeztu zuten.Primeran egin zuten eta eskertzekoa da gure klasea aukeratzea haien lana aurkezteko.
ZORIONAK NESKAK ETA MUTILAK!!!!!




domingo, 26 de noviembre de 2017

GALDERA

Aste honetako galdera hau izan da:

NONDIK ATERATZEN DA ERREGALIZA?

5. taldekoek ( Oier, Ander eta Eneritz) aztertu dute eta azaldu digute landare batetik ateratzen dela eta badakizue zein ataletatik?
Ba... sustraietatik. 
Anderrek zati batzuk ekarri ditu eta dastatu dugu. Batzuei gustatu zaie, baina beste batzuei ez.
PRIMERAN  EGIN DUZUE !!!! 



 

LITXARRERIAK

Ostegunean, Olatzekin 3. kontsumo tailerra egin genuen:
LITXARRERIAK.
Gauza pilo ikasi genuen:
- Elikagaiak 3 ataletan sailkatzen direla eta bakoitzak kolore bat du: horia, gorria eta berdea.
- Litxarreriak ez daudela talde hauetan, elikagaiak ez direlako.
- Litxarreri osasungarriak egitea posiblea dela eta denon artean prestatu dugu
- Ikusi dugu zenbat azukre erabiltzen den produktu ezberdinak egiteko.

OSO ONDO PASATU DUGU!!!

 

viernes, 24 de noviembre de 2017

FRUTAK ETA BARAZKIEN TAILERRA


                                   FRUTAK ETA BARAZKIEN TAILERRA:

Ostegunean Olatz, monitorearekin, frutak eta barazkiak landu genituen eta benetan, ze gauza interesgarriak ikasi genituen:

- Nola dakigun zer den fruta bat edo barazki bat.
- Garaiko eta hurbiletik ekarritako frutak eta barazkiak jan behar ditugula.
- Urtaro bakoitzean ze frutak eta barazkiak dauden.

Taldeka landu genituen frutak eta barazkiak desberdintzeko eta joku bat egin genuen, ze fruta edo barazkia zeukan bekokian asmatzeko galderen bidez.

Olatzek amaiketako oso goxoa prestatu zigun fruta eta barazkiekin eta den-dena jan genuen, guri frutak eta barazkiak izugarri gustatzen zitzaizkigulako. Eskerrik asko Olatz hain jatorra gurekin izateagatik eta hainbeste irakasteagatik!!!.