Meatzariak

Hau izan da gaurko galdera:
Gallarta oso gertu dago. Aurreko mendean han meategi asko zeuden. Zer egiten zuten meatzariek meategietan?
Eta hauek izan dira Sergio, Sara eta Alaineren lanak

DESKRIBAPENAK

Gaur, astelehenero bezala, bikote batek deskribapenak egin ditu. Bikotea izan da Sendoa eta Eneko G. Hauek dira haiek egindako lanak. Ea zuen gustokoak diren!

Deskribapenak

Astelehen honetan Sarak eta Olatzek deskribapenak egin dituzte. Oso ondo prestatu dute eta merezi du zuek ikusteak. Ea gustatzen zaizkizuen!

Hau da Sarak egin duena

Hau da Olatzek egin duena

Gaur arratsaldez jolasak izan ditugu ikasle ohiekin. Patioan jolas bat antolatu dute guk egiteko.
Kurtsoan zehar astero eskolara etorri dira gurekin jolastera, gurekin euskeraz hitz egitera eta gurekin ondo pasatzera.

ESKERRIK ASKO LAGUNAK!!!

Kontsumo tailerrak

Asteazkenean ,patio ondoren, azken tailerra egin genuen: "Ontziak".
Cristina monitoreak azaldu zigun non birziklatu behar diren gauza ezberdinak eta ipuin bat kontatu zigun.
Tailerra interesgarri egon zen eta uste dugu oraindik aurrera, birziklapena egingo dugula ez bakarrik eskolan, etxean ere.

Hemen dituzue ateratako argazkiak

FRUTA ETA BARAZKIAK

Asteartean, atsedenaldi ondoren, "Fruta eta barazkiak" tailerra egin genuen.Monitore batekin egon ginen, Aiala izenekoa, eta berak azaldu zizkigun gauza pilo fruta eta barazkiei buruz. Azkenean fruta ezberdinak dastatu genituen: banana, kiwia, marrubia...
Konturatu gara fruta eta barazkiak jatea beharrezkoa dela osasuntsuak izateko.

Hemen daude argazki batzu une hori gogoratzeko

Kontsumo tailerrak

Aste honetan ,eskolan, kontsumo tailerrak egin ditugu .Guk egin dugun lehenengo tailerra jogurta izan da. Oso interesgarria izan da. Koko eta Bazilo ezagutu ditugu, ikasi dugu nola egin etiketa bat eta garrantzitsuena... nola egiten den jogurta ikasi dugu! Emaitza ez da oso ona izan, jogurta likido atera zaigulako.Gure ustez bero gehiago behar zelako.
Hemen argazki batzu daude zuek ikusteko zer egin dugun.

BARAKALDO ANTZOKIRA

Asteartean Barakaldo Antzokira joan ginen 3 , 4 , eta 5 urteko umeekin. Ikusi genuen lanaren izenburua ANAKI zen. Batzuentzat oso interesgarria izan zen, baina beste batzuk lotan geratu ziren.


Istorioa supermerkartuan hasten da, Anaki oso kapritxosa agertzen da amaren aurrean, guztia nahi du; goxokiak, izozkiak… kontsumismoaren gainean arreta jartzen da. Amak une batez bakarrik utzi eta Anaki supermerkatutik doa, txanpon bidez mugitzen diren makina-barraka horietara iritsi arte, Kotaro izeneko barrakak arreta deitu eta bertan txanpona botatzen du. Kotarok hegaz egiteko gaitasuna du zerutik haratago, eta txanponak behar ditu aurrera egiteko.
Hainbat planeta ezagutuko dituzte.
Azkenean berriro supermerkatuan agertzen da bere amarekin.

Hemen daude Anaki eta Kotaro

GARRAIOBIDEAK

Ingurun, aurreko gaian, garraiobideak ikusi genituen. Gai honi buruz bi galdera izan ditugu erantzuteko

1.- Lau garraiobide aipatu eta azaldu zer behar duten ibiltzeko.

 Hau izan da Eneko Gomezen lana.

2.- Nondik lortzen da gasolina?

Hau izan dira Sara eta Sergioren lanak



GURE GELA

Ezagutzen duzue?  Bai, ezta? Gure klasea da!
Ibilaldi bat eman nahi baduzu KLIKATU arratoiaren ezkerreko botoian eta mugitu
gora, behera, eskuinera, ezkerrera...
Handiago ikusi nahi baduzu  KLIKATU goian dagoen FULLSCREEN.
Hurbildu edo urrundu nahi baduzu KLIKATU ezkerrean dagoen erregelan + edo -.

Aukera izango duzue Barakaldoko beste argazki batzu ikusteko.

Espero dut zuen gustokoa izatea.

Rontegi_1.A in España

IRTEERA

Gaur Clara Campoamor Kultur Etxera joan gara liburutegiko erakusketa bat ikustera eta
 bi tailer egitera.Oso ondo pasatu dugu eta gauza bereziak egin ditugu. Charo gurekin
egon da eta argazki pilo atera dizkigu. Hemen daude ikusi nahi baduzue.

ESKERRIK ASKO CHARO!!!

DESKRIBAPENAK

Azken bolada honetan,astelehenero, bikote batek pertsona baten deskribapena prestatzen du eta
besteei kontatzen diete. Aste honetan 2 mutilek egin dute. Bat Sergio izan da eta primeran egin
duenez, hemen jarriko dugu zuek irakurtzeko.

SERGIO PRIMERAN EGIN DUZU. HORRELA JARRAITU !!!!

SARAREN URTEBETETZEA

Gaur Sararen urtebetetzea izan da. ZAZPI urte bete ditu.

"Zorionak zuri" abestu diogu eta espero dugu egun polita izatea.

                       ZORIONAK  SARA !!!



ASMAKIZUNA

Asteazkenean Mariak, musika ematen duen andereñoa, asmakizunaren kutxatik paper bat atera zuen.

Badakizue norena zen? Ba ...Sergiorena, 1.A mailakoa.

Sergiok laguntza behar zuen megafoniatik hitz egiteko eta Alaine aukeratu zuen laguntzaile bezala.

Ostiralean, atsedenaldi ondoren, zuzendaritzara joan ziren eta asmakizuna irakurri zuten. Oso ondo

egin  zuten eta Maitek, zuzendaria, piruleta bat eman zien.

Asmakizuna hau zen:

                                         ZORROTZ ZORROTZA NAUKAZU
                                         BAITA ERE ARRISKUTSU
                                         EGURRA EBAKI DEZAKEZU
                                         ZER NAIZEN ESAIDAZU

Erantzuna: AIZKORA

Hemen ikus ditzakegu argazki batzu. Ea gustatzen zaizkizun!

Yaizaren urtebetetzea

ZORIONAK YAIZA!!!!!!!!!

Atzo  Yaizaren urtebetetzea izan zen, baina jaia izan zenez berarekin ez ginen egon.

Gaur ZORIONAK ZURI... abestu diogu eta musu handiak eman dizkiogu.

                                                                

DISKOTEKA

Apirilaren 20an,  EUSKARA ASTEKO azken eguna ospatzeko, eskolako gimnasioan

diskoteka txiki bat izan genuen. Bi txanda egin ziren. Gu lehenengo txandan egon ginen

2. mailakoekin eta 5 urtekoekin. Nahiz eta motza izan oso ondo pasatu genuen.

Hemen dituzue argazki batzu guk esandakoa konprobatzeko.