SARAREN URTEBETETZEA

Gaur Sararen urtebetetzea izan da. ZAZPI urte bete ditu.

"Zorionak zuri" abestu diogu eta espero dugu egun polita izatea.

                       ZORIONAK  SARA !!!



ASMAKIZUNA

Asteazkenean Mariak, musika ematen duen andereñoa, asmakizunaren kutxatik paper bat atera zuen.

Badakizue norena zen? Ba ...Sergiorena, 1.A mailakoa.

Sergiok laguntza behar zuen megafoniatik hitz egiteko eta Alaine aukeratu zuen laguntzaile bezala.

Ostiralean, atsedenaldi ondoren, zuzendaritzara joan ziren eta asmakizuna irakurri zuten. Oso ondo

egin  zuten eta Maitek, zuzendaria, piruleta bat eman zien.

Asmakizuna hau zen:

                                         ZORROTZ ZORROTZA NAUKAZU
                                         BAITA ERE ARRISKUTSU
                                         EGURRA EBAKI DEZAKEZU
                                         ZER NAIZEN ESAIDAZU

Erantzuna: AIZKORA

Hemen ikus ditzakegu argazki batzu. Ea gustatzen zaizkizun!

Yaizaren urtebetetzea

ZORIONAK YAIZA!!!!!!!!!

Atzo  Yaizaren urtebetetzea izan zen, baina jaia izan zenez berarekin ez ginen egon.

Gaur ZORIONAK ZURI... abestu diogu eta musu handiak eman dizkiogu.

                                                                

DISKOTEKA

Apirilaren 20an,  EUSKARA ASTEKO azken eguna ospatzeko, eskolako gimnasioan

diskoteka txiki bat izan genuen. Bi txanda egin ziren. Gu lehenengo txandan egon ginen

2. mailakoekin eta 5 urtekoekin. Nahiz eta motza izan oso ondo pasatu genuen.

Hemen dituzue argazki batzu guk esandakoa konprobatzeko.

                                                                  

EGUN BOROBILA...

Azkenean lortu dugu Clara Campoamor kultur etxera joatea!!!

Gaur goizean euri eta haizerik gabe, pelikula bat ikustera joan gara: Igelak eta zapoak. Oso interesgarria izan da. Gu bezalako umeak agertu dira (Max eta Jesse) , baita animalia desberdinak ere ( untxia, igela, azeria...).
Maxen amonak gaixo eta zaurituta aurkitzen dituen animaliak jaso eta etxera eramaten ditu. Bertan sendatu eta berriz aske uzten ditu.
Azkenean Max eta Jessek igel arrabak aurkitzen dituzte eta arazo guztiak konpontzen dira.

Pelikula amaitu ondoren kultur etxetik kanpo gaileta batzu jan ditugu eta Barakaldo Antzokira joan gara kontzertu didaktikoa entzutera.

Oso ondo egon da eta aukera izan dugu parte hartzeko.

Ikusi duzuenez, gaur egun borobila izan da.

IPUIN KONTALARIA

Gaur liburutegian egon gara ipuin kontalari bat entzuten, Begoña. Hansel eta Gretel ipuina kontatu digu, baina modu berezi batean. Iluntasun osoa zegoen eta bakarrik ikusten zen pantalla bat. Begoñak pantalla erabili du eszenatoki moduan eta atzetik pertsonaiak agertzen ziren: aita, umeak, sorgina...




ASKO GUSTATU ZAIGU!

Ostiralean arratsaldez, 4. mailako klase batera joan ginen hilabete honetako olerkia esatera. Hau izan da ikasi dugun olerkia, ea gustatzen zaizuen!

            Martxoan Mikeltxo ez da sagua,

             txori bihurtzen da askotan:

             haizea badabil oso zakarra

             azkar egiten du hegaz.

             Euritako gorria hartuta,

             hasten da igotzen zerura,

             baina haizea desagertzen bada,

             nolako ipurdikada!

Hemen daude argazki batzu, une hori ez ahazteko.